ಉಸಿರಾಟದ ತೊಂದರೆಯನ್ನು ನೀವು ಹೊಂದಿದರೆ ಹೀಗೆ ಮಾಡಿ ನೋಡಿ!
ಉಸಿರಾಟದ ತೊಂದರೆಯನ್ನು ಹೋಗಲಾಡಿಸಲು ಜನರು ಔಷಧಿಗಳ ಮೇಲೆ ಅವಲಂಬಿತರಾಗಿದ್ದಾರೆ. ಇದಲ್ಲದೆ, ಉಸಿರಾಟದ ಕಾಯಿಲೆಯಿಂದ ಹೊರಬರಲು ಇಂತಹ ಅನೇಕ ಮನೆಮದ್ದುಗಳೂ ಸಹ ಇವೆ. ಉಸಿರಾಟದ ತೊಂದರೆಯಿಂದ ನಿಮ್ಮನ್ನು ನೀವು ಕಾಪಾಡಿಕೊಳ್ಳಲು ಈ ಸಲಹೆ ಪಾಲಿಸಿ.
ವ್ಯಾಯಾಮ:ಉಸಿರಾಟಕ್ಕೆ ಸಂಬಂಧಿಸಿದ ವ್ಯಾಯಾಮ ಮಾಡಿದರೆ ಉಸಿರಾಟದ ಸಮಸ್ಯೆಯನ್ನು ನಿಯಂತ್ರಿಸಲುಸಾದ್ಯ. ಆದರೆ ಪರಿಣಿತರ ಸಲಹೆಯಂತೆ ವ್ಯಾಯಾಮ ಮಾಡುವುದು ಉತ್ತಮ.
#ನಿದ್ದೆ ಮಾಡುವಾಗ ಮೂಗು ಕಟ್ಟಿದರೆ , ಉಸಿರಾಡಲು ಸಮಸ್ಯೆಯಾಗಿ, ಸರಿಯಾಗಿ ನಿದ್ದೆ ಬರುವುದಿಲ್ಲ. ಹೀಗಾದಾಗ ನಿಂಬೆಯನ್ನು ತುಂಡು ಮಾಡಿ, ದಿಂಬಿನ ಬಳಿ ಇರಿಸಿದರೆ ಉಸಿರಾಟದ ಸಮಸ್ಯೆಗೆ ಪರಿಹಾರ ಸಿಗುತ್ತದೆ. ನಿದ್ರೆಯು ಚೆನ್ನಾಗಿ ಬರುತ್ತದೆ.
#ಅಸ್ತಮಾ ಅಥವಾ ಕಫದ ಸಮಸ್ಯೆ ಇದ್ದಾಗ ಎಳ್ಳೆಣ್ಣೆಗೆ ಸ್ವಲ್ಪ ನೀಲಗಿರಿ ತೈಲವನ್ನು ಮಿಶ್ರ ಮಾಡಿ ಎದೆ ಮತ್ತು ಬೆನ್ನಿಗೆ ಮೃದುವಾಗಿ ಮಸಾಜ್ ಮಾಡಿ ಬಿಸಿನೀರಿನ ಬ್ಯಾಗ್ ಮೂಲಕ ಶಾಖವನ್ನು ನೀಡಬೇಕು.
#ಹೊಟ್ಟೆಯಿಂದ ಆಳವಾದ ಉಸಿರನ್ನು ತೆಗೆದುಕೊಳ್ಳುವುದರಿಂದ ಉಸಿರಾಟದ ತೊಂದರೆ ದೂರವಾಗುತ್ತದೆ. ಹೊಟ್ಟೆಯಿಂದ ಉಸಿರಾಡಲು, ಮೊದಲು ಮಲಗಿ ಎರಡೂ ಕೈಗಳನ್ನು ಹೊಟ್ಟೆಯ ಮೇಲೆ ಇರಿಸಿ, ಮೂಗಿನ ಮೂಲಕ ಆಳವಾದ ಉಸಿರನ್ನು ತೆಗೆದುಕೊಳ್ಳಿ ಮತ್ತು ಹೊಟ್ಟೆಯನ್ನು ವಿಸ್ತರಿಸುವಾಗ ಶ್ವಾಸಕೋಶದಲ್ಲಿ ಗಾಳಿಯನ್ನು ತುಂಬಿಸಿ.
#ಸ್ವಚ್ಛವಾದ ಪರಿಸರದಲ್ಲಿ ಓಡಾಡುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು.
#ಶೀತದಿಂದ ಬಳಲುತ್ತಿರುವಾಗ ನಿಮಗೆ ಉಸಿರಾಡಲು ಕಷ್ಟವಾಗುತ್ತಿದ್ದರೆ ಅದು ಶ್ವಾಸಕೋಶದಲ್ಲಿ ಲೋಳೆಯ ರಚನೆಯಿಂದಾಗಿರಬಹುದು. ಲೋಳೆಯು ಮುರಿಯಲು ಮತ್ತು ನಿಮ್ಮ ಗಾಳಿಯ ಮಾರ್ಗವನ್ನು ತೆರವುಗೊಳಿಸಲು ಸ್ಟೀಮ್ ತೆಗೆದುಕೊಳ್ಳಿ.
#ಉಸಿರಾಟದ ವ್ಯಾಯಾಮ ಮಾಡಲು, ಮೂಗಿನ ಮೂಲಕ 2 ಬಾರಿ ನಿಧಾನವಾಗಿ ಉಸಿರಾಟವನ್ನು ತೆಗೆದುಕೊಳ್ಳಿ ಮತ್ತು ಈ ಸಮಯದಲ್ಲಿ ತುಟಿಗಳು ಶಿಳ್ಳೆ ಹೊಡೆಯುವಂತೆ ಬಾಯಿಯನ್ನು ಮುಚ್ಚಿಕೊಳ್ಳಿ. ಈಗ ಬಾಯಿಯಿಂದ ನಿಧಾನವಾಗಿ ಉಸಿರನ್ನು ಬಿಡಿ ಮತ್ತು 1 2 3 4 ವರೆಗೆ ಎಣಿಸಿ. ಇದು ಶ್ವಾಸಕೋಶದಲ್ಲಿ ಸಿಲುಕಿರುವ ಗಾಳಿಯನ್ನು ತೆಗೆದು ಹಾಕುತ್ತದೆ ಮತ್ತು ಕುತ್ತಿಗೆ ಮತ್ತು ಭುಜಗಳಿಗೆ ಪರಿಹಾರವನ್ನು ನೀಡುತ್ತದೆ.
