ಬಿಳಿ ಈರುಳ್ಳಿಯ ಕೆಲವು ಪ್ರಮುಖ ಆರೋಗ್ಯ ಪ್ರಯೋಜನಗಳು!

ಭಾರತೀಯ ಅಡಿಗೆಮನೆಗಳಲ್ಲಿ ಸಾಮಾನ್ಯವಾಗಿ ಬಳಸುವ ವಸ್ತು ಈರುಳ್ಳಿ. ಈರುಳ್ಳಿ ಇಲ್ಲದ ಯಾವುದೇ ಖಾದ್ಯವನ್ನು ಅಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಈರುಳ್ಳಿ ಆಹಾರದ ರುಚಿಯನ್ನು ಸುಧಾರಿಸುವುದಲ್ಲದೆ, ಇದರಲ್ಲಿ ಸಾಕಷ್ಟು ಪೋಷಕಾಂಶಗಳು ಮತ್ತು ರಕ್ಷಣಾತ್ಮಕ ಸಂಯುಕ್ತಗಳಿವೆ, ಇದು ವಿವಿಧ ರೋಗಗಳ ವಿರುದ್ಧ ಹೋರಾಡಲು ನಮಗೆ ಸಹಾಯ ಮಾಡುತ್ತದೆ. ನೀವು ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ ಕೆಂಪು ಮತ್ತು ಬಿಳಿ ಈರುಳ್ಳಿಗಳನ್ನು ನೋಡುತ್ತೀರಿ. ಎರಡೂ ವಿಭಿನ್ನ ಪ್ರಯೋಜನಗಳನ್ನು ಹೊಂದಿದ್ದರೂ, ಆರೋಗ್ಯದ ದೃಷ್ಟಿಯಿಂದ, ಬಿಳಿ ಈರುಳ್ಳಿ ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಆದ್ದರಿಂದ ಇಂದಿನ ಈ ಲೇಖನದಲ್ಲಿ, ಬಿಳಿ ಈರುಳ್ಳಿಯ ಕೆಲವು ಪ್ರಮುಖ ಆರೋಗ್ಯ ಪ್ರಯೋಜನಗಳ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ ..

#ಬಿಳಿ ಈರುಳ್ಳಿ ರಸವನ್ನು ಮೂಗಿಗೆ ಬಿಡುವುದರಿಂದ ಮತ್ತು ಅದನ್ನೇ ಕಣ್ಣಿಗೂ ಹಚ್ಚಿಕೊಳ್ಳುವುದರಿಂದ ಮೂರ್ಚೆ ರೋಗ ನಿವಾರಣೆಯಾಗುತ್ತದೆ, ಈ ಕ್ರಮವನ್ನು ಕನಿಷ್ಠ ಒಂದರಿಂದ ಎರಡು ತಿಂಗಳು ಅನುಸರಿಸು ತಕ್ಕದ್ದು ಅಗತ್ಯವಾದರೆ ಇನ್ನೂ ಒಂದು ವಾರ ಮುಂದುವರಿಸಬಹುದು.

#ಸೋಂಕು ನಿವಾರಣೆಗೆ ಒಳ್ಳೆಯದು – ಬಿಳಿ ಈರುಳ್ಳಿ ಮುಖ್ಯವಾಗಿ ರೋಗನಿರೋಧಕ ಶಕ್ತಿಯನ್ನು ಹೊಂದಿರುವುದರಿಂದ ಸೋಂಕುಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ಮತ್ತು ಇದರ ಪ್ರತಿಜೀವಕ ಗುಣ ಲಕ್ಷಣಗಳಿಂದಾಗಿ ಕಣ್ಣು, ಮೂಗು ಮತ್ತು ಕಿವಿಗೆ ಸಂಬಂಧಿತ ಸೋಂಕುಗಳ ನಿವಾರಣೆಗೂ ಸಹಾಯ ಮಾಡುತ್ತದೆ.

#ಬಿಳಿ ಈರುಳ್ಳಿಯನ್ನು ವೀರ್ಯ ಬೆಳವಣಿಗೆಗೆ ಸಹ ಬಳಸಬಹುದು. ಇದನ್ನು ಜೇನುತುಪ್ಪ(Honey)ದೊಂದಿಗೆ ತೆಗೆದುಕೊಂಡರೆ ಅದ್ಭುತ ಪ್ರಯೋಜನವಿದೆ. ಈರುಳ್ಳಿಯಲ್ಲಿ ಆಂಟಿ ಆಕ್ಸಿಡೆಂಟ್‌ಗಳಿವೆ, ಇದು ನೈಸರ್ಗಿಕವಾಗಿ ವೀರ್ಯವನ್ನು ಹೆಚ್ಚಿಸುತ್ತದೆ.

#ದೃಷ್ಟಿ ಹೆಚ್ಚಿಸುವಲ್ಲಿ ಸಹಕಾರಿ:ಬಿಳಿ ಈರುಳ್ಳಿ ಕಣ್ಣುಗಳಿಗೆ ತುಂಬಾ ಪ್ರಯೋಜನಕಾರಿ. ಇದರ ಸೇವನೆಯಿಂದ ದೃಷ್ಟಿ ಪ್ರಕಾಶಮಾನವಾಗುತ್ತದೆ. ಇದನ್ನು ಸೇವಿಸುವುದರಿಂದ ದೇಹದಲ್ಲಿ ಗ್ಲುಟಾಥಿಯೋನ್ ಉತ್ಪತ್ತಿಯಾಗುತ್ತದೆ. ಗ್ಲುಟಾಥಿಯೋನ್ ಒಂದು ರೀತಿಯ ಪ್ರೋಟೀನ್.ಒಂದು ಸಂಶೋಧನೆಯ ಪ್ರಕಾರ, ಇದು ದೇಹದಲ್ಲಿ ಉತ್ಕರ್ಷಣ ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ.

#ಇದು ಹೊಟ್ಟೆಯುಬ್ಬರಿಕೆ ಮತ್ತು ರಾತ್ರಿ ಸಮಯದಲ್ಲಿ ಬೆವರುವ ವ್ಯಕ್ತಿಗಳಿಗೆ ಅತಿ ಸೂಕ್ತವಾದ ಆಹಾರವಾಗಿದೆ. ಅಲ್ಲದೇ ಮಹಾರಾಷ್ಟ್ರದ ಅತಿ ಜನಪ್ರಿಯ ಖಾದ್ಯವಾಗಿರುವ ಬಿಳಿ ಈರುಳ್ಳಿಯ ಕೋಶಿಂಬಿರ್ ಅಥವಾ ಕೋಸಂಬರಿಯನ್ನು ತಯಾರಿಸಲೂ ಬಳಸಬಹುದು. ಈ ಖಾದ್ಯವೂ ಸಾಕಷ್ಟು ಪೌಷ್ಟಿಕವಾಗಿದ್ದು ಬೇಸಿಗೆಯ ಸಮಯದಲ್ಲಿ ದೇಹವನ್ನು ತಂಪಾಗಿರಿಸಲು ನೆರವಾಗುತ್ತದೆ.

#ಮಧುಮೇಹ ರೋಗಿಗಳಿಗೆ ಈರುಳ್ಳಿ ಪ್ರಮುಖ ಔಷಧಿ ಎನ್ನಬಹುದು. ಈರುಳ್ಳಿಯನ್ನು ನಿಯಮಿತವಾಗಿ ಸೇವಿಸಿದರೆ, ಅದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುವಲ್ಲಿ ಬಹಳಷ್ಟು ಸಹಾಯ ಮಾಡುತ್ತದೆ.