ಚಳಿಗಾಲದಲ್ಲಿ ತುಟಿ ಒಡೆಯುವ ಸಮಸ್ಯೆಗೆ ಹೀಗೆ ಮಾಡಿ!
ತ್ವಚೆ ಮತ್ತು ತುಟಿಗಳು ಬಹಳ ಸೂಕ್ಷ್ಮ ಅಂಗಗಳಾದ್ದರಿಂದ ವರ್ಷದ ಎಲ್ಲಾ ಕಾಲದಲ್ಲೂ ಸೂಕ್ತ ರೀತಿಯಲ್ಲಿ ಆರೈಕೆ ಮಾಡಿಕೊಳ್ಳಬೇಕು. ಅದರಲ್ಲೂ ಒಣ ತ್ವಚೆಯವರಾಗಿದ್ದರೆ ಇನ್ನಷ್ಟು ಹೆಚ್ಚಿನ ಗಮನವನ್ನು ನೀಡಬೇಕಾಗುವುದು. ಮುಖದಲ್ಲಿ ಕಣ್ಣು ಮತ್ತು ಬಾಯಿಯೇ ಹೆಚ್ಚು ಆಕರ್ಷಕ ಅಂಗವಾದ್ದರಿಂದ ಅವುಗಳ ಸೌಂದರ್ಯವನ್ನು ಕಾಯ್ದುಕೊಳ್ಳಲೇ ಬೇಕಾಗುವುದು. ಮಳೆಗಾಲದ ವಾತಾವರಣದಲ್ಲಿ ತುಟಿಯ ಮೇಲಾಗುವ ದುಷ್ಟಪರಿಣಾಮವನ್ನು ಹೇಗೆ ತಡೆಗಟ್ಟಬಹುದು ಎನ್ನುವುದರ ಸರಳ ವಿವರಣೆ ಇಲ್ಲಿದೆ ನೋಡಿ…..
#ಎಣ್ಣೆ-ಬೆಣ್ಣೆಗಳ ಬಳಕೆ ಮಾಡಿ:ತುಟಿಯು ಸಂಪೂರ್ಣವಾಗಿ ಒಣಗಲು ಪ್ರಾರಂಭವಾದಮೇಲೆ ಆರೈಕೆ ಪ್ರಾರಂಭಿಸಬೇಡಿ. ದಿನವೂ ಪೆಟ್ರೋಲಿಯಂ ಜೆಲ್ಲಿ, ಆಲಿವ್ ಎಣ್ಣೆ, ಬಾದಾಮಿ ಎಣ್ಣೆ, ತೆಂಗಿನ ಎಣ್ಣೆ, ಬೆಣ್ಣೆ ಅಥವಾ ತುಪ್ಪಗಳಂತಹ ಉತ್ಪನ್ನಗಳಲ್ಲಿ ಯಾವುದಾದರೊಂದನ್ನು ಹಚ್ಚುವ ಅಭ್ಯಾಸ ಇಟ್ಟುಕೊಂಡಿರಿ.
#ಜೇನುತುಪ್ಪ ಮತ್ತು ಸಕ್ಕರೆ: ಡೆಡ್ ಸ್ಕಿನ್ ಸೆಲ್ಗಳನ್ನು ತೆಗೆದುಹಾಕಲು ನೀವು ಜೇನುತುಪ್ಪ ಮತ್ತು ಸಕ್ಕರೆಗಳಿಂದ ನಿಮ್ಮ ತುಟಿಗಳನ್ನು ಎಫ್ಫೋಲಿಯೇಟ್ ಮಾಡಬಹುದು. ಜೇನುತುಪ್ಪದೊಂದಿಗೆ ಸಕ್ಕರೆಯ ದಪ್ಪ ಪೇಸ್ಟ್ ಮಾಡಿ. ಪೇಸ್ಟ್ ಅನ್ನು ನಿಮ್ಮ ತುಟಿಗಳಿಗೆ ಹಚ್ಚಿ ಮತ್ತು ಸ್ವಲ್ಪ ಸಮಯದವರೆಗೆ ನಿಧಾನವಾಗಿ ಮಸಾಜ್ ಮಾಡಿ.
#ಒಡೆದಿರುವ ತುಟಿ ಗುಣವಾಗುವಾಗ ನೀವು ಕೆಲವು ಪದಾರ್ಥಗಳನ್ನು ತಡೆಗಟ್ಟಬೇಕು. ಅವುಗಳಲ್ಲಿ ಕೆಲವು ನೀಲಗಿರಿ, ಲ್ಯಾನೊಲಿನ್, ಸ್ಯಾಲಿಸಿಲಿಕ್ ಆಮ್ಲ ಮತ್ತು ಹೆಚ್ಚುವರಿ ಪರಿಮಳಗಳು ಹಾಗೂ ಸುಗಂಧಗಳನ್ನು ತಡೆಗಟ್ಟಬೇಕು. ನೀವು ‘ಕಡಿಮೆ ಎನ್ನುವುದು ಹೆಚ್ಚು’ ಎನ್ನುವ ತತ್ವ ಬಳಸುವುದು ಉತ್ತಮ.
#ಅಲೋವೆರಾ: ಅಲೋವೆರಾದಲ್ಲಿ ವಿಟಮಿನ್ ಇ ಸೇರಿದಂತೆ ವಿವಿಧ ಜೀವಸತ್ವಗಳು ಸಮೃದ್ಧವಾಗಿವೆ. ನಿಮ್ಮ ತುಟಿಗಳನ್ನು ತಾಜಾ ಅಲೋವೆರಾ ಜೆಲ್ ನೊಂದಿಗೆ ಮಸಾಜ್ ಮಾಡುವುದರಿಂದ ಒಣ ಮತ್ತು ಚಾಪ್ ತುಟಿಗಳನ್ನು ಮೃದುಗೊಳಿಸುತ್ತದೆ ಮತ್ತು ಗುಣಪಡಿಸುತ್ತದೆ. ಅಲೋವೆರಾ ನಿಮ್ಮ ತುಟಿಗಳನ್ನು ಹೈಡ್ರೇಟ್ ಮಾಡುತ್ತದೆ.
#ದೇಹಕ್ಕೆ ಉಷ್ಣವಾದರೂ ತುಟಿಯ ಸಿಪ್ಪೆ ಏಳುತ್ತದೆ. ಇದರ ನಿವಾರಣೆಗೆ ಸಾಕಷ್ಟು ನೀರು ಕುಡಿಯಬೇಕು. ಚಳಿಗಾಲದಲ್ಲಿ ಬಾಯಾರಿಕೆ ಆಗುವುದು ಕಡಿಮೆಯಾದರೂ ಮರೆಯದೆ ನೀರು ಕುಡಿಯುತ್ತಿರಿ. ಇದರಿಂದ ತುಟಿ ಒಣಗುವ ಸಮಸ್ಯೆ ಕಡಿಮೆಯಾಗುತ್ತದೆ
